Bua na Gaillimhe ag Gradaim Náisiúnta Pobail agus Comhairle
Bhuaigh an tionscnamh 'Oileáin Shláintiúla', comhpháirtíocht faoi stiúir fhoireann an Chláir um Chuimsiú Sóisialta agus Gníomhachtú Pobail (SICAP) de chuid Fhorbairt Tuaithe na Gaillimhe agus Contae Sláintiúil na Gaillimhe i gComhairle Chontae na Gaillimhe, an Gradam Sláinte Pobail is Fearr ag Gradaim Pobail agus Comhairle Uile-Éireann.
Sa ghrianghraf tá ionadaithe ó na soláthraithe seirbhíse a d'fhreastail ar Imeachtaí Oileán Sláintiúil
Léirigh an comhoibriú idir soláthraithe seirbhíse agus eagraíochtaí atá ag obair ar na hOileáin, lena n-áirítear comharchumainn na nOileán atá ag obair go crua, meascán iontach saineolais, acmhainní, agus paisean comhroinnte chun pobail rathúla atá cairdiúil don aois a chruthú. Trí Oileáin Shláintiúla, creidimid gur féidir linn leanúint ar aghaidh ag cruthú tionchar dearfach buan.
Chuir an tionscnamh buacach eolas ar fáil faoi na tacaíochtaí agus na seirbhísí atá ar fáil do phobail na nOileán chun stíleanna maireachtála níos sláintiúla a aithint agus a fhorbairt. Chruthaigh na hiarrachtaí deiseanna don dea-shláinte agus do dhaoine páirt ghníomhach a ghlacadh i saol an phobail agus cur leis.
Agus í ag gabháil buíochais as an ngradam, agus ag aithint thábhacht na gcomhpháirtíochtaí, dúirt Ceannaire Foirne SICAP, an Dr Anne Cassidy, go raibh sí thar a bheith sásta leis an aitheantas "Is léiriú é an gradam seo ar ár dtiomantas le Gaillimh Shláintiúil agus lenár gcomhpháirtithe go léir chun timpeallachtaí cuimsitheacha agus tacúla a thógáil dár bpobail oileáin"
Mhol Cathaoirleach GRD, an Comhairleoir Pete Roche, foireann SICAP as an gcur chuige comhpháirtíochta a mhéadaigh tionchar an tionscnaimh 'Oileáin Shláintiúla'." Is lá bródúil é dúinn ar fad ag GRD" a dúirt an Comhairleoir Roche "Tá dúshláin bhreise roimh eolas tábhachtach agus rochtain ar sheirbhísí mar gheall ar nádúr tuaithe na bpobal seo".
Tá an clár SICAP á chómhaoiniú ag Rialtas na hÉireann agus ag an Aontas Eorpach.
