SICAP

Oibríonn Clár um Chuimsiú Sóisialta agus Gníomhachtú Pobail (SICAP) GRD le pobail agus le daoine ar fud Chontae na Gaillimhe.

Cabhraímid leo a gcuid riachtanas féin a aithint agus freastal orthu.

Cabhraímid leo siúd is mó a bhfuil tacaíocht de dhíth orthu chun rochtain a fháil ar oiliúint, fostaíocht agus oideachas.

Tá na tacaíochtaí go léir a chuirimid ar fáil faoi SICAP SAOR IN AISCE.

Tá dhá phríomhsprioc cláir SICAP ann:

Sprioc 1 - Ag Tacú le Pobail

Cabhraímid le Grúpaí Pobail Áitiúla agus Fiontair Shóisialta a fhorbairt. Oibrímid leo chun iad a dhéanamh níos láidre agus níos ábalta aghaidh a thabhairt ar a gcuid riachtanas féin.

Seo a leanas cuid den tacaíocht is féidir linn a thabhairt:

• cabhrú leo iad féin a eagrú agus a reáchtáil

• cabhrú le tionscadail, imeachtaí pobail agus gníomhaíochtaí sóisialta a reáchtáil

• oiliúint

• deontais bheaga chun trealamh a cheannach chun tacú lena gcuid oibre

• Iasacht fhadtéarmach trealaimh

• comhairle maidir le, mar shampla, conas iarratas a dhéanamh ar dheontais agus dul isteach sa Líonra Rannpháirtíochta Poiblí (PPN)

Trí oibriú le pobail agus le heagraíochtaí eile is féidir linn rochtain ar fhaisnéis a fheabhsú. Is féidir linn cabhrú le seirbhísí agus tacaíocht a chur ar fáil dóibh siúd is mó a bhfuil gá acu leis.

Sprioc 2 – Tacú le daoine

Oibrímid le daoine i ngach aoisghrúpa. Cabhraímid leo feabhas a chur ar a saol féin agus páirt a ghlacadh ina bpobal áitiúil.

Cabhraímid le daoine a gcuid riachtanas féin a thuiscint, cinneadh a dhéanamh ar cad iad na spriocanna atá acu, agus conas iad a bhaint amach. B'fhéidir gurb iad na spriocanna seo ná post a fháil, gnó a bhunú, páirt a ghlacadh san oideachas nó a bhféinmhuinín a thógáil.

Cabhraímid le daoine rochtain a fháil ar oiliúint, fostaíocht agus deiseanna.

Is féidir linn tacú leat má tá tú:

• dífhostaithe go fadtéarmach.

  Is féidir linn cabhrú leat a bheith níos réidh don phost. Is féidir linn cabhrú leat le do CV, oiliúint agus scileanna agallaimh. Is féidir linn cabhrú leat do ghnó féin a bhunú

• duine aosta nó scoite.

  Eagraímid traenáil agus ranganna i do phobal ar nós aclaíochta nó cócaireachta. Cabhraímid leat teagmháil a dhéanamh le grúpaí i do cheantar.

• mar chuid de ghrúpa mionlaigh amhail an Lucht Siúil, na Romaigh, daoine faoi mhíchumas nó Pobail Nua (imircigh).

  Soláthraímid rochtain ar oiliúint, oideachas agus cabhair chun páirt a ghlacadh i nGrúpaí Pobail Áitiúla

• teaghlach nó leanbh i bpobal faoi mhíbhuntáiste.

  Reáchtálaimid clubanna obair bhaile, déanaimid teiripe súgartha agus feabhsaímid rochtain ar oideachas ceoil. Eagraímid ranganna tuismitheoireachta.

• duine óg nach bhfuil i mbun oideachais, fostaíochta ná oiliúna idir 16-25 bliain d'aois.

  Cabhraímid leat a bheith réidh don phost nó cáilíochtaí a fháil.

Oibrímid le go leor eagraíochtaí eile freisin. Cinntímid go bhfuil na daoine a dtacaímid leo san áireamh i bpolasaithe agus i bpleanáil.

Más mian leat tacaíocht SICAP a fháil nó más mian leat níos mó a fhoghlaim faoi na rudaí a dhéanaimid, téigh i dteagmháil le do thoil!