Cumas Oibre
An Clár um Chonairí Cuimsitheacha chun Fostaíochta
Is clár nua é an Clár Um Chumas Oibre: Conairí Cuimsitheacha chun Fostaíochta atá cómhaoinithe ag Clár Fostaíochta, Cuimsithe, Scileanna agus Oiliúna an AE (EIST) 2021-2027 agus ag an Roinn Coimirce Sóisialaí (RCS).
Cuirfidh an clár tacaíocht mhaoinithe ar fáil do thionscadail áitiúla atá dírithe ar thorthaí fostaíochta feabhsaithe a bhaint amach do dhaoine faoi mhíchumas trí raon beart tacaíochta.
Is iad cuspóirí an Chláir ná:
Feabhas a chur ar ionchais fostaíochta daoine faoi mhíchumas atá i bhfad ón margadh saothair faoi láthair.
Cur le cumas fostóirí daoine faoi mhíchumas a earcú, a choinneáil agus a chur chun cinn laistigh dá lucht saothair.
Comhpháirtíochtaí nua a éascú i measc páirtithe leasmhara (daoine faoi mhíchumas, seirbhísí míchumais, seirbhísí fostaíochta agus fostóirí) agus cuir chuige nua chun tacaíochtaí fostaíochta a sholáthar do dhaoine faoi mhíchumas.
Tá sé mar aidhm ag an gClár Um Chumas Oibre a chinntiú go dtugtar lántacaíocht do dhaoine faoi mhíchumas chun fostaíocht a aimsiú agus a chothabháil agus tacaítear le heagraíochtaí a fhostaíonn rannpháirtithe cláir chun a chinntiú go n-éireoidh lena bhfostaíocht
Chun tuilleadh eolais a fháil, déan teagmháil le:
